„Hann er eins og heimili með sál.“ Heimili að heiman, þjóðfræðileg rannsókn á húsbílaferðalögum

Abstract

Að komast í burtu frá amstri hversdagsins og komast í tæri við ósnortina náttúru er eftisóknarverð leið til þess að hlaða batteríin og finna innri ró. Í þessari ritgerð er ljósinu beint að húsbílaferðalögum. Upplifanir ferðalanga á umhverfi og hvernig húsbílaeigendur búa sér til heimili að heiman eru aðalumfjöllunarefni ritgerðarinnar. Tvö viðtöl voru tekin við húsbílaeigendur auk þess að spurningalisti var sendur út á Félag Húsbílaeigenda og ljósmyndum var safnað. Í ritgerðinni er reynt að komast að því hvernig fólk kemur sér fyrir á nýjum stað og sömuleiðis hvernig einkarými myndast á milli húsbíla á tjaldsvæðum. Einnig eru þeir þættir innan veggja heimilisins skoðaðir sem framkalla eftirsóknarverða heimatilfinningu í húsbílum. Niðurstöður rannsóknarinnar sýna að húsbílaeigendur leggja töluvert uppúr því að hafa húsbílinn huggulegan auk þess sem að fólk leitast eftir því að vera í nálægð ósnortinnar náttúru í ferðalaginu.