en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/2196

Title: 
  • is Brottfall úr 5 vikna hugrænni atferlismeðferð í hópi
Abstract: 
  • is

    Könnuð voru áhrif lýðfræðilegra og klínískra breyta á brottfall úr 5 vikna hugrænni
    atferlismeðferð í hópi. Meðferðin, sem er tilraunaverkefni á vegum Landspítala Háskólasjúkrahúss,
    fór fram á átta heilsugæslustöðvum á höfuðborgarsvæðinu og landsbyggðinni. Þátttakendur voru 441
    skjólstæðingur heilsugæslu (82,5% konur), flestir með þunglyndi og kvíðaröskun. Brottfall úr meðferð
    var skilgreint á þrjá vegu: Ekki mætt í síðasta bókaða tíma, mætt í færri en þrjá tíma og mætt í færri
    en fjóra tíma (miðgildisskipting). Kannaður var munur á þeim sem hófu og hófu ekki meðferð (mættu
    bara í inntökuviðtal) og þeim sem mættu og mættu ekki í eftirfylgdartíma eftir þrá mánuði.
    Skilgreiningin ,,ekki mætt í síðasta bókaða tíma“ aðgreindi brottfallna á fleiri breytum en
    tímafjöldaskilgreiningarnar. Áhrif breyta voru ekki mikil. Þrepa-hlutfallagreining (logistic regression)
    sýndi að vægari depurðareinkenni (sp.1 á BDI-II), að reykja, búa á höfuðborgarsvæðinu og vera ekki
    háskólamenntaður spáði best fyrir um brottfall úr meðferðinni og skýrði um 10% dreifingar. Að
    reykja, hafa ekki áður farið í meðferð við sama vanda, stunda ekki líkamsrækt, búa í höfuðborginni og
    hafa meiri einkenni á spurningu 4 á DAS-A skýrðu 8% þess að mæta ekki í eftirfylgd. Karlkyn,
    þekking á hugrænni atferlismeðferð og minni ánægjumissir (sp.4 á BDI-II) spáðu best fyrir um það að
    hefja ekki meðferð og skýrðu saman 6% dreifingar.

Accepted: 
  • Oct 14, 2008
URI: 
  • http://hdl.handle.net/1946/2196


Files in This Item:
Filename Size VisibilityDescriptionFormat 
Thorgerdur_Gudmundsdottir_fixed.pdf589.54 kBOpenHeildartextiPDFView/Open