en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/2197

Title: 
  • is Reglur hlutafélagalaga um minnihlutavernd
Abstract: 
  • is

    Í ritgerðinni er fjallað um hugtakið minnihlutavernd og hlutverk þess í íslenskum félagarétti. Fyrst er vikið að eðli hlutafélaga og tengslum minnihlutaverndar við þær meginreglur sem hlutafélagaformið grundvallast á. Næst er vikið að veigamestu reglu minnihlutaverndar, almennu bannreglunni við öflun ótilhlýðilegra hagsmuna. Fræðileg umfjöllun um regluna er af skornum skammti hér á landi og sennilega helgast skorturinn af því að mjög sjaldan hefur reynt á regluna fyrir dómstólum, sé tillit tekið til umfangs hlutafélaga í íslensku samfélagi. Í kjölfar umfjöllunar um meginreglur félagaréttar og almennu bannregluna er vikið að þeim úrræðum sem hlutafélagalög hafa að geyma til handa hluthöfum í minnihluta sem hallað er á. Umfjöllun um einstök úrræði verður að mestu í samræmi við þýðingu þeirra og beitingu í framkvæmd. Því næst eru reglur hlutafélagalaga sem bundnar eru við tiltekið hlutfall hluthafa teknar til skoðunar og ljósi varpað á helstu reglur um upplýsingagjöf félags og stjórnar þess til hluthafa. Að lokum eru niðurstöður skrifanna dregnar saman og hugmyndir um mögulegar úrbætur viðraðar.
    Tilgangur skrifanna er að taka saman á einn stað þær reglur og úrræði sem hluthöfum í minnihluta standa til boða ef þeir telja að þeim hafi verið mismunað eða hagsmunir þeirra að öðru leyti verið virtir að vettugi. Til þess að forðast að um einhvers konar upptalningu verði að ræða, er umfjöllunarefnið styrkt með skírskotunum til lögskýringargagna, dómaframkvæmdar, fræðiskrifa og fleiri gagna sem mikilvægt er að varpa ljósi á til þess að sem heildstæðust mynd fáist af umfjöllunarefninu. Þar sem íslenskar heimildir um efnið eru af skornum skammti verða viðeigandi ákvæði í hlutafélagalöggjöf Norðurlandanna tekin til skoðunar og borin saman við þau íslensku. Norræn fræðiskrif og norræn dómaframkvæmd er jafnframt notuð til fyllingar og upplýsingar í þeim tilvikum þar sem íslenskri framkvæmd og fræðiskrifum er áfátt. Ritsmíðinni er því ekki aðeins markaður sá tilgangur að vera minni hluthöfum innan handar, heldur felur hún í sér úttekt og samanburð á mikilvægum þætti hlutafélagalöggjafarinnar og er til marks um hvernig minnihlutavernd var háttað hér á landi undir lok fyrsta áratugar 21. aldar.

Description: 
  • is Vantar forsíðu og titlisíðu.
Accepted: 
  • Apr 14, 2009
URI: 
  • http://hdl.handle.net/1946/2197


Files in This Item:
Filename Size VisibilityDescriptionFormat 
Lokaeintak1_fixed.pdf878.74 kBLockedMeginmálPDF