Þjónustukönnun Heimavistar MA og VMA : könnun á ánægju íbúa ásamt sjálfsáliti þeirra

Abstract

Helstu markmið rannsóknarinnar voru að kanna ánægju og/eða óánægju íbúa með búsetu sína innan heimavistarinnar auk þeirrar þjónustu sem þar er í boði, ásamt því viðmóti sem íbúum birtist af hálfu starfsmanna heimavistarinnar. Þar að auki var leitast við að kanna líðan og sjálfsmat ungs fólks í tengslum við búsetu sína á heimavist. Til þess var send út spurningakönnun til allra íbúa heimavistarinnar í gegnum tölvupóst. Könnuninni var skipt í tvo hluta, annars vegar þjónustukönnun og hinsvegar sjálfsmatskvarða Rosenberg sem mælir sjálfsálit. Foreldrum barna undir 18 ára aldri var sent leyfisbréf áður en könnunin var lögð fyrir. Fyrri rannsóknir benda meðal annars til þess að einstaklingar séu gjarnir á að bera raunverulegt húsnæði heimavistar saman við óskir sínar, því meiri sem munurinn er því meiri óánægju má gæta. Félagslíf, stuðningur frá fjölskyldu, sjálfsálit og skortur á næði spila einnig stóran þátt. Við úrvinnslu gagna var notast við lýsandi tölfræði, einna helst tíðnitöflur og krosstöflur. Niðurstöður leiddu í ljós að íbúar heimavistarinnar eru almennt séð ánægðir með þjónustu og aðbúnað heimavistarinnar. Hvað varðar sjálfsálit mældist það lægra meðal einstaklinga undir 18 ára aldri borið saman við þá sem eru eldri, drengir voru að öllu jöfnu með hærra sjálfsálit en stúlkur. Niðurstöður rannsóknarinnar teljast mikilvægar að því leyti að ánægja með þjónustu og líðan innan heimavistarinnar er nauðsynleg til að einstaklingar haldist í skóla, gangi vel í námi og séu með heilbrigt sjálfsálit.

The primary purpose of this research were to explore the satisfaction and/or dissatisfaction of residents within a high school dormitory concerning facilities, service and communication with employees working in the dormitory. Furthermore the researchfocuses on the wellbeing and self-esteem of young people in relation to their residency in a dormitory. In order to do so an online survey was sent out to all residents through their school email. The survey was bisect, the first part focused on the quality of service but the second consisted of The Rosenberg Self-esteem Scale, which measures selfesteem. Parents of children under the age of 18 were sent a letter for their permission to allow participation before the survey was submitted for answers. Previous studies have suggested that individuals are prone to compare their housing to their wishes and expectations, the greater the difference the greater dissatisfaction can be felt. Other aspects also affect the adjustment of residents, including social life, support from their family, self-esteem and lack of privacy. Results were achieved by using descriptive statistics, mainly frequency and contingency tables. Residents were generally satisfied with the service and accommodation of the dormitory. Self-esteem was considered below average among individuals under the age of 18 compared to those who were older than 18, on average girls also had lower self-esteem than boys. Research of thistype can lead to better a service and to a greater feeling of wellbeing with in the dormitory, which is necessary for individuals to remain in school, be successful in their studies and to have a healthy self-esteem.