en English is Íslenska

Thesis University of Iceland > Verkfræði- og náttúruvísindasvið > Meistaraprófsritgerðir - Verkfræði- og náttúruvísindasvið >

Please use this identifier to cite or link to this item: http://hdl.handle.net/1946/2211

Title: 
  • is Sameindaræktun í byggi (Hordeum vulgare L.) í stýrðri vatnsrækt
Abstract: 
  • is

    Svokölluð sameindaræktun hefur rutt sér til rúms undanfarin ár sem ný leið til að
    framleiða erfðatækniprótein fyrir rannsóknir, lyf og iðnað. ORF Líftækni hf hefur m.a.
    þróað nýstárlegt kerfi, Orfeus ™, fyrir framleiðslu á vaxtarþáttum í byggi sem eru m.a.
    notaðir í læknisrannsóknir, frumuræktir og lyf. Með bættri erfðatækni, m.a. vali á
    öflugum stýrlum, má oft auka tjáningu á erfðatæknipróteininu (e. recombinant protein) í
    sameindaræktun en ýmislegt bendir til að hægt sé að auka magn þess enn frekar með
    ræktunarstýringu. Rannsóknarspurningar þessa verkefnis eru tvær: Í fyrsta lagi hvort
    hægt sé að auka afurð sameindaræktunar með ræktunarstýringu (Tilraun 1), og í öðru
    lagi hversu vefjasértækur í tíma og rúmi D-hordein stýrillinn, sem OrfeusTM kerfið nýtir,
    er við þessar aðstæður (Tilraun 2). Til að fá svör við þessum spurningum var
    erfðatæknibygg, sem framleiðir vaxtarþáttinn G-CSF úr manni, ræktað við mismunandi
    útfærslur í vatnsrækt. Kannað var hvort að þrjár mismunandi útfærslur hefðu áhrif á 1)
    uppskeru, mælt í fjölda fræja á flatareiningu 2) kynslóðartíma og 3) magn
    vaxtarþáttarins á fermeter ræktunarrýmis (Tilraun 1). Vefjasértækni D-hordein stýrilsins
    í tíma og rúmi var könnuð með mælingum á magni vaxtarþáttar í mismunandi vefjum
    (G-CSF), magni vaxtarþáttar (G-CSF og M-CSF) á fermeter m.t.t. þroska plantna en
    einnig hvort hægt væri að greina seytingu vaxtarþáttar (G-CSF) út í næringarlausn
    vatnsræktarinnar (Tilraun 2). Niðurstöður benda til þess að næringargjöf út
    vaxtartímann auki uppskeru byggs en lengi kynslóðartímann um a.m.k. tvær vikur.
    Magn G-CSF mældist mest við 35 daga eftir frjóvgun (Zadok stig ~84), eða áður en fræ
    hefur náð fullum þroska. G-CSF fannst í mjög litlu magni í blöðum, rótum og stönglum,
    en allt að 26 þúsund sinnum meiri styrkur mældist í fræi sem undirstrikar sterka
    vefjasértækni D-hordein stýrilsins. Með þessu verkefni hefur skilningur okkar aukist á sameindaræktun og samspili ræktunaraðstæðna og erfðatækni þar sem gen eru tjáð undir
    stjórn D-hordein stýrilsins í byggi.

Accepted: 
  • Apr 15, 2009
URI: 
  • http://hdl.handle.net/1946/2211


Files in This Item:
Filename Size VisibilityDescriptionFormat 
Adalheidur_Einarsdottir_fixed.pdf4.34 MBLockedHeildartextiPDF