List og hnattræn hlýnun: Sköpun samkenndar á tímum óvissu

Abstract

Í þessari ritgerð er fjallað um hvernig list getur skapað samstöðu á tímum hnattrænnarhlýnunar. Skoðanamunur um loftlagsbreytingar meðal almennings, stjórnmálamannaog vísindamanna hefur skapað óvissuástand og erfitt er að sannfæra fólk umáhrifamátt einstaklingsins sem hluta af hóp. Til þess að hægt sé að hægja á hnattrænnihlýnun er mikilvægt að eyða þessari vanmáttartilfinningu og skapa samkennd ogsamstöðu. Listamenn hafa leiðir til að nálgast vandamálið á skapandi og aðgengileganhátt og tjá þannig málefni hnattrænnar hlýnunar á tungumáli sem er skiljanlegra enflóknar skýrslur vísindamanna. Í ritgerðinni er sérstaklega fjallað um Ólaf Elíasson ení verkinu Your mobile expectations gerir hann áhorfendur að virkum þátttakendum;þeir upplifa verkið með öllum líkamanum og finna kuldan ná inn að beini þar sem þeirskoða verkið í frystiklefa. Ólafur vísar þannig til þeirra afleiðinga sem hnattrænhlýnun hefur nú þegar haft í för með sér; bráðnun jökla, sem og mögulegra afleiðingaí fjarlægri framtíð; að ísöld sé framundan. Your mobile expectations er því hnattrænhlýnun í nýju, skiljanlegra samhengi. Í dag er listamönnum tíðrætt um umhverfismál.Umhverfislist, og þá sérstaklega „Ecological art“ hefur fengið byr undir báða vængimeð aukinni vitundarvakningu um hnattræna hlýnun. Listamenn þurfa ekki að verasérfræðimenntaðir í vísindum loftlagsbreytinga heldur tjá þeir áhrif og afleiðingarástandsins og spyrja ekki aðeins. „hvað er að gerast?“ heldur líka „hvernig líður mérút af því sem er að gerast?“ Með list er hægt að skapa nýja orðræðu bjartsýni og vonarsem í framhaldinu myndar grunn fyrir áþreifanlegar breytingar. Hvort sem listin er„góð“ eða „slæm“ vekur hún hjá áhorfandanum viðbrögð og það eru þessi viðbrögðsem geta breytt heiminum.