Úrvinnsla menningararfs í pólitískum tilgangi : með áherslu á íslenskan vetur Þjóðleikhússins og sýninguna Ofsa

Abstract

Í þessari ritgerð er fjallað um hvernig úrvinnsla menningararfs í sviðslistum er notaður í pólitískum tilgangi vegna strauma innan leikhússins veturinn 2014-2015. Út frá kenningum Lindu Hutcheon er skoðað hvort ávinningur sé af því að taka fyrir menningarlega mikilvæg verk, aðlaga þekkt verk eða nota innblástur úr sögu þjóðar til að koma pólitískri ádeilu listamannsins á framfæri. Bertolt Brecht er skoðaður í samhengi við aðferðir sem hafa haft áhrif á sviðslistamenn nútímans til að ná fram pólitískri ádeilu sinni. Til að rýna í strauma innan leikhússins á Íslandi 2014-2015 er íslenski vetur Þjóðleikhússins skoðaður og sýningin Ofsi tekin fyrir.