is Íslenska en English

Lokaverkefni (Bakkalár) Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22341

Titill: 
  • Hlutskipti listamannsins á mörkum góðæris og hruns í þremur íslenskum skáldsögum. Birtingarmynd og hlutverk listamanna í Sandárbókinni eftir Gyrði Elíasson, Konum eftir Steinar Braga og Mannorði eftir Bjarna Bjarnason
Námsstig: 
  • Bakkalár
Útdráttur: 
  • Ritgerðin fjallar um listamenn sem persónur í þremur íslenskum skáldsögum og þeir eru mátaðir við þær þjóðfélagsbreytingar sem áttu sér stað þegar verkin komu út. Fyrsta skáldverkið er Sandárbókin (2007) eftir Gyrði Elíasson sem gerist á góðæristímum og fjallar um jaðarsettan listmálara sem flytur í hjólhýsi úti í skógi þar sem hann hugleiðir tilveru sína og gagnrýnir markaðshyggju samtímans. Annað verkið er Konur (2008) eftir Steinar Braga sem kom út skömmu eftir hrun og fjallar um fórnarlamb misþyrminga ákveðinna afla í íslensku samfélagi. Þriðja verkið er Mannorð (2011) eftir Bjarna Bjarnason sem lýsir eftirmálum hrunsins þegar bankamaður reynir að bjarga mannorði sínu með yfirtöku á orðstír rithöfundar. Verkin verða sett í samhengi við hugmyndir um að hugsunarháttur Íslendinga sé ein af orsökum hrunsins og stöðu íslenskra listamanna fyrir og eftir hrun. Einnig verður fjallað um höfundarhugtakið í bók-menntafræðum og bókmenntum og höfundarnir sjálfir látnir spegla listamennina í skáld-sögunum. Þannig myndast jarðvegur fyrir markvissa greiningu á birtingarmynd og félagslegri virkni listamanna í skáldverkunum þremur.

Samþykkt: 
  • 8.7.2015
URI: 
  • http://hdl.handle.net/1946/22341


Skrár
Skráarnafn Stærð AðgangurLýsingSkráartegund 
BA-RITGERÐ.EINAR.KÁRI.JÓHANNSSON.pdf583.81 kBOpinnHeildartextiPDFSkoða/Opna