is Íslenska en English

Lokaverkefni Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22443

Titill: 
  • Jafnt aðgengi að frístundaheimilum : taka öll börn þátt í starfi frístundaheimilanna
Útdráttur: 
  • Markmið þessa verkefnis er að kanna þátttöku barna af erlendum uppruna og barna úr fjölskyldum sem standa félagslega höllum fæti í starfi frístundaheimila. Sérstöku ljósi er beint að starfi í Reykjavík og Osló þar sem höfundur hefur starfsreynslu og þekkingu á starfi frístundaheimila þaðan. Vísbendingar eru um að þessir hópar barna taki þátt í starfi frístundaheimilanna í minna mæli og hér verður reynt að svara því hvort svo sé og hvort það skipti máli fyrir þessa barnahópa að taka þátt. Upplýsinga um þátttöku var aflað með ýmsum aðferðum og þær settar fram til þess að varpa ljósi á þátttöku í frístundaheimilum almennt og þá sérstaklega þátttöku hópana sem hér eru til umfjöllunar. Frístundaheimilin og starf þeirra verða kynnt út frá kenningum um aðlögun, kenningum um mismunandi tegundir auðs og tengslum við námsárangur. Starfsskrá frístundaheimila í Reykjavík og Osló verður skoðuð og tvö tilraunaverkefni kynnt sem hafa það að markmiði að auka þátttöku í frístundaheimili.
    Rannsókn mín leiðir í ljós að það hallar á börn af erlendum uppruna og á börn sem koma úr fjölskyldum sem hafa lágar tekjur þegar það kemur að þátttöku í frístundaheimilum. Þátttaka í frístundaheimilum getur skipt máli fyrir þessa hópa. Kenningar um aðlögun sýna fram á mikilvægi þess að vera í málaumhverfi búsetulandsins stóran hluta dagsins til þess að ná góðum tökum á samskiptamáli. Þannig getur þátttaka í frístundaheimili gert að svo verði. Menningarauður er hugtak sem hefur verið notað meir og meir til að útskýra hversvegna fólk af erlendum uppruna á erfitt með að aðlagast í samfélaginu meðal annars í skólakerfinu. Frístundaheimilin gætu stutt við söfnun menningarauðs hjá einstaklingum sem hafa ekki mikið af þeim menningarauði sem er ríkjandi í samfélaginu og þannig stutt við aðlögunarferlið. Frístundaheimilin eru einnig vettvangur sem er til þess fallinn að stuðla að auknum félagsarfi og er vettvangur til þess að mynda tengsl þvert á aldur, uppruna og stétt. Tengsl eru á milli námsárangurs og þátttöku í frístundaheimili og því skiptir máli að einstaklingar sem mögulega standa höllum fæti í skólakerfinu fyrir taki þátt í starfi frístundaheimilanna.

Samþykkt: 
  • 18.8.2015
URI: 
  • http://hdl.handle.net/1946/22443


Skrár
Skráarnafn Stærð AðgangurLýsingSkráartegund 
Lokaskjal_ingibjorg_jonasdottir.pdf851.84 kBOpinnHeildartextiPDFSkoða/Opna