Meðferðargangur á Litla-Hrauni: Betrun í stað refsinga

Abstract

Þessi ritgerð er unnin af tveimur nemendum við Háskóla Íslands í félagsráðgjöf. Ritgerðin er 6 eininga lokaverkefni til B.A prófs og fjallar um starfsemi ferðargangsins í fangelsinu á Litla-Hrauni. Markmið starfseminnar er að veita þeim föngum sem það kjósa, hjálp við að vinna sig út úr vítahring andfélagslegs hugafars, afbrotahegðunar og vímuefnanotkunar. Meðþessari ritgerð er áætlunin að varpa ljósi á starfsemina sem fram fer á meðferðargagnum ogálykta út frá því hvernig hún hefur áhrif á fanga og samfélagið í heild.Starfsemi meðferðargangsins hefur fengið hefur fengið mjög jákvæð viðbrögð bæðifrá föngunum sjálfum og aðstandendum þeirra. Rannsóknir hafa sýnt fram á að meðferð ífangelsum hefur áhrif á hegðun fanga á meðan afplánun stendur. Þessum niðurstöðum bersaman við frásögn Margrétar Frímannsdóttur að greina má breytingar á hegðun og hugsunþeirra fanga sem dvelja á meðferðargangi Litla-Hrauns. Öll samskipti verða auðveldari, líðan þeirra betri og þátttaka þeirra í námi og starfi eykst. Endurhæfing af þessum toga hefur gríðarlegar breytingar í för með sér og þá ekki bara hjá fanganum sjálfum heldur öllum þeim sem standa honum nærri og samfélaginu í heild.