Þróun skólamötuneyta í grunnskólum á Íslandi

Abstract

Tilgangur þessa lokaverkefnis er að afla upplýsinga um þróun skólamötuneyta í grunnskólum á Íslandi. Markmiðið er að komast meðal annars að því hvort skólamötuneyti landsins hafi ávallt stuðst við opinberar ráðleggingar um mataræði. Notuð var megindleg aðferðafræði þar sem upplýsingum var aflað með spurningakönnun. Óskað var eftir þátttöku allra 74 sveitarfélaga landsins. Alls svöruðu 43 sveitarfélög og náðu svörin til 130 grunnskóla af þeim 172 sem starfræktir eru á landinu. Niðurstöður sýna að jákvæð þróun hefur orðið í skólamötuneytum grunnskóla landsins frá fyrsta starfsári þeirra og flest fylgja þau opinberum ráðleggingum um mataræði. Sveitarfélög landsins geta nýtt sér niðurstöður verkefnisins til að bæta starfsemi skólamötuneyta í grunnskólum sínum.