Hvernig skrifa skal sögu : greinargerð með barnasögunni Stráklingurinn í skóginum

Abstract

Eitt aðalmarkmiðið með verkefninu var að skrifa barnasögu með hliðsjón af fræðilegu efni og komast að því hvað felst í því ferli. Sagan er ætluð 7-10 ára börnum og umfjöllunarefnið ákveðið með tilliti til þess aldurshóps. Í framhaldinu var aflað heimilda um bókmenntagreiningu og myndskreytingar í bókum og sagan skrifuð út frá því fræðilega efni. Í greinargerðinni er fyrst fjallað um bókmenntagreiningu þar sem er gerð grein fyrir þáttum skáldsögunnar og gæði hennar. Því næst er fjallað um myndefni í barnabókum og einkenni þeirra eru útskýrð. Að lokum er barnasagan borin saman við fræðilega efnið. Við lestur fræðilega efnisins og skrifin sjálf kom í ljós að talsvert flókið er að skrifa barnabók og þar undir eru margir þættir sem þarf að taka tillit til. Skapandi skrif eru snar þáttur í starfi íslenskukennara og þessi skrif voru annars vegar þáttur í undirbúningi fyrir það starf og á hinn bóginn hugsanlega til gagns fyrir aðra kennara í svipaðri stöðu.