is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22607

Titill: 
  • Eru bloggarar rödd viðskiptavina? : Áhrif bloggara á kauphegðun
Námsstig: 
  • Bakkalár
Leiðbeinandi: 
Útdráttur: 
  • Viðfangsefni þessarar rannsóknar er að kanna gildi bloggsíðna sem upplýsinga- og afþreyingarmiðils, einkum með tilliti til trúverðugleika þeirra og hvaða áhrif þær hafa á viðhorf og kauphegðun neytenda. Mikil umræða hefur myndast í þjóðfélaginu um það hversu trúverðugar upplýsingarnar eru, sem bloggarar veita um vörur og þjónustu á bloggsíðum sínum. Oft getur reynst erfitt að greina á milli almennrar umfjöllunar og auglýsinga.
    Framkvæmd var megindleg rannsókn í formi spurningakönnunar. Notast var við hentugleika- og snjóboltaúrtak þar sem spurningalisti var sendur með tölvupósti og á samfélagsmiðlinum Facebook. Þátttakendur voru samtals 238, af þeim voru 34% karlar og 66% konur. Þátttakendur voru á öllum aldri en flestir voru á aldursbilinu 19 til 25 ára eða 40%. Kannað var meðal annars hversu mikið traust þátttakendur bera til mismunandi auglýsingamiðla og hversu miklum tíma þeir verja annars vegar á vefnum og hins vegar á bloggsíðum. Einnig var athugað hvaða bloggarar og hvaða tegund bloggs er vinsælast á meðal þátttakenda.
    Notuð var aðhvarfsgreining til þess að kanna annars vegar hvort upplýsingaöflun, afþreying og trúverðugleiki spái fyrir um kauphegðun og hins vegar hvort upplýsingaöflun og afþreying spái fyrir um viðhorf. Helstu niðurstöður sýndu að upplýsingaöflun og afþreying hafa jákvæð áhrif á bæði kauphegðun og viðhorf þátttakenda. Því meira sem þátttakendur reiða sig á upplýsingaöflun á bloggsíðum og því skemmtilegra sem þeim þykir að skoða þær, því jákvæðara er viðhorf þeirra gagnvart bloggurum og um leið er líklegra að þeir hafi keypt vöru sem hefur fengið umfjöllun á bloggi.

Samþykkt: 
  • 31.8.2015
URI: 
  • http://hdl.handle.net/1946/22607


Skrár
Skráarnafn Stærð AðgangurLýsingSkráartegund 
ahrifbloggaraakauphegdun.pdf1.6 MBOpinnHeildartextiPDFSkoða/Opna