Frenjur og fórnarlömb. Kynjafræðileg greining á sýningu Listasafns ASÍ - Frenjur og fórnarlömb ásamt útgáfu sýningarskrár fyrir sömu sýningu

Abstract

Í ritgerðinni er fjallað um listasýninguna Frenjur og fórnarlömb sem sett var upp í Listasafni ASÍ þann 14. maí – 30. júní 2015, í tilefni af 100 ára kosningarrétti kvenna á Íslandi. Þema sýningarinnar var að konur fjölluðu um konur og var hún hluti af Listahátíð í Reykjavík ásamt því að vera framlag Listasafns ASÍ til að vekja athygli á þátttöku kvenna í listasögunni. Í ritgerðinni eru nokkur verk sýningarinnar tekinfyrir og greind með kynjafræðilegri greiningu til þess að varpa ljósi á sýninguna í heild sinni.Við opnun sýningarinnar var gefin út sýningarskrá sem ritstýrð var af höfundi þessarar ritgerðar. Í seinni hluta ritgerðarinnar er fjallað um útgáfuferlið, ritstjórnarstefnuna og hugmyndavinnuna sem átti sér stað áður en sýningarskráin var gefin út. Skrána í heild sinni má finna í viðauka aftast í ritgerðinni.