Hnattvæðing: Kynjað eða kynblint ferli?

Abstract

Hnattvæðing hefur haft mismunandi áhrif á íbúa heimsins eftir til dæmis aldri, kynþætti, búsetu, samfélagsstöðu, menntun, fjárhagsstöðu og síðast en ekki síst kyni. Í þessari ritgerð skoða ég hvernig ferli hnattvæðingar hafa haft önnur áhrif á konur en karla. Ég skoða konur sem nýtt vinnuafl í launuðum störfum í þriðja heiminum, konur sem sölu- og neysluvöru í kynlífsiðnaði og konur sem landfræðilega hreyfanlegt vinnuafl þegar kemur að heimilis- og umönnunarstörfum. Ég skoða jafnframt hvort konur eru fórnarlömb eða gerendur í ferlum hnattvæðingar. Femínískir fræðimenn hafa gagnrýnt fjarlægð kyns þegar kemur að rannsóknum á hnattvæðingu og hafna því að kyni sé hrært saman við fyrri greiningar. Þess vegna er efnið mikilvægt og á erindi við orðræðu nútímans.