Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22765
Viðfangsefni þessarar ritgerðar er Ronald Reagan, stjórnmálamaður og leikari, sem varð 40. maðurinn til að gegna embætti forseta Bandaríkjanna. Markmið þessarar ritgerðar er að skoða þátt Ronald Reagan í endalokum kalda stríðsins og það hvort einstaklingur geti raunverulega haft áhrif á skipan heimsmála eða ekki. Til þess að komast að niðurstöðu eru meginatriði pólitískrar sögu Reagan rakin auk þess sem dómur nokkurra fræðimanna varðandi þetta atriði eru skoðaðir, en skiptar skoðanir eru varðandi þátt Reagan í endalokum kalda stríðsins. Fjölmargar heimildir um ævi og störf Reagan liggja til grundvallar ritgerðinni þar sem þetta er sett í samhengi við þróun heimsmála og stjórnmála í Bandaríkjunum.
Ronald Reagan hefur af mörgum verið sagður hafa haft gríðarleg áhrif á endalok kalda stríðsins og fall kommúnismans. Með því er vafalaust átt við það að utanríkisstefna ríkisstjórnar hans á forsetastóli í Bandaríkjunum hafi leitt til hruns Sovétríkjanna, en Reagan var forseti Bandaríkjanna frá 1981 til 1989 og á þeim árum geisaði kalda stríðið þar til því lauk með falli Sovétríkjanna, Berlínarmúrsins og frjálsum kosningum víðs vegar um áður fjötraða Austur-Evrópu.
Ályktanir mínar eru dregnar saman í niðurstöður í lok fimmta og síðasta kafla ritgerðarinnar. Þar kemst ég að þeirri niðurstöðu að ég telji óhætt að fullyrða að Reagan hafi átt nokkuð stóran þátt í endalokum kalda stríðsins og falli Sovétríkjanna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Forsíða pdf .pdf | 34.35 kB | Lokaður til...01.01.2050 | Forsíða | ||
Lokaeintak BA ritgerð pdf.pdf | 438.81 kB | Lokaður til...01.01.2050 | Heildartexti | ||
BA formáli og útdráttur.pdf | 8.34 kB | Lokaður til...01.01.2050 | Formáli, útdráttur | ||
Yfirlýsing_PállFannar.pdf | 409.81 kB | Lokaður | Yfirlýsing |