Í veröld bannhelginnar: Fagurfræði og fasismi í Næturverði Liliönu Cavani

Abstract

Hér eru tekin til umfjöllunar og skoðuð þemu minnis, minninga, kvalalosta, fasisma, bannhelgi og markabrots í kvikmyndinni Næturvörðurinn frá 1974 og samspil þessara þema túlkað og dregið fram. Þar að auki er fagurfræði myndarinnar tekin til umfjöllunar og sett í samhengi við fasíska fagurfræði og fagurfræði annarra samtímaverka sem á einn eða annan hátt gera fasismann að umfjöllunarefni. Ætlunin er að skoða hvað myndin segi um fasismann og kanna samspil persónusálfræði hennar og félagspólitískra viðfangsefna. Myndin, þemu hennar og frásögn eru túlkuð með aðstoð kenninga Batailles um erótík og markabrot, Fromms um kvalarlosta og valdboðshyggju, Baumans um tengsl helfararinnar og skrifræðisvæðingar svo það helsta sé nefnt. Ekki er sett fram afgerandi niðurstaða á þessum síðum heldur eru dregnir fram ákveðnir túlkunarmöguleikar sem stangast kannski að einhverju leyti á hver við annan.