Ræðum saman og lærum : stærðfræðikennsla ungra barna

Abstract

Þessi ritgerð er lokaverkefni til B.Ed. gráðu í grunnskólakennarafræðum við Menntavísindasvið Háskóla Íslands. Hún er ætluð sem leiðarvísir við stærðfræðikennslu ungra barna í grunnskólum og á að gefa innsýn inn í það hvað felst í stærðfræðikennslu yngsta stigs. Í þessari ritgerð fjalla ég um stærðfræði líkt og hún birtist í aðalnámskrá grunnskóla og skoða inntak stærðfræðinámsins fyrir nemendur á yngsta stigi grunnskólans. Þá mun ég skoða hæfniviðmið aðalnámskrár, hvað felst í þeim og koma með kennsluhugmyndir sem kennaranemi eða kennari í starfi getur nýtt sér til þess að styðja nemendur við að vinna að því að ná hæfniviðmiðum aðalnámskrár grunnskóla. Ég mun ræða um mikilvægi umræðna í stærðfræðinámi og kynna kennsluaðferðir sem henta því viðmóti. Tilgangur verkefnisins er að vekja athygli á mikilvægi fjölbreyttra kennsluhátta svo fleiri geti lært stærðfræði til skilnings og þannig búið að henni um alla tíð. Efni ritgerðarinnar er sett upp á heimasíðunni www.reiknadumedmer.weebly.com til þess að gera efnið aðgengilegra fyrir alla þá sem vilja nýta sér það.