Allir geta eldað! : Greinargerð með uppskrifta- og þrautahefti ætluðu nemendum í 5.-7. bekk

Abstract

Þessi greinargerð, ásamt uppskrifta- og þrautaheftinu Allir geta eldað! er 10 eininga lokaverkefni til B.Ed.-gráðu í grunnskólakennarafræðum frá Menntavísindasviði Háskóla Íslands. Heftið er ætlað sem ítarefni í heimilisfræðikennslu nemenda á miðstigi grunnskóla. Námsefni í öllum greinum, heimilisfræði þar með taldri, þarf að vera fjölbreytt og taka mið af þeim straumum sem fram koma með nýjum rannsóknum á sviði kennslufræði. Við athugun á því námsefni sem notað er í heimilisfræði kom í ljós að fjölbreytni í námsefni er ábótavant. Við gerð heftisins var reynt að hafa verkefnin sem fjölbreyttust, að samþætta námsgreinar eftir bestu getu og gæta þess að verkefnin væru skemmtileg og vektu áhuga nemenda á efninu. Eftir á að hyggja telja höfundar að þeir hafi lagt nokkuð af mörkum til að auka við framboð og fjölbreytni kennsluefnis í heimilisfræði.