Frásögn af nemenda með þroskahömlun í Hönnun og smíði

Abstract

Ritgerðin fjallar um þátttöku þroskahamlaðs nemanda í glernámskeiði í verklega tengdu diplómanámi við menntavísindasvið Háskóla Íslands. Tildrög verkefnisins voru upplifanir höfundar í starfi sínu sem jafningjamentor eða aðstoðarmaður viðkomandi nemanda í þessu námi hans. Þar vaknaði áhugi höfundar fyrir málefnum þroskahamlaðra og þeim möguleikum sem búa í greininni hönnun og smíði til að styðja við nám og þroska einstaklinga með þroskahamlarnir. Í ritgerðinni er fyrst gerð grein fyrir lykilhugtökum í málaflokki þroskahamlaða og fjallað um réttindi þeirra og möguleika til menntunar. Síðan er gerð grein fyrir starfstengdu diplómanámi fyrir fólk með þroskahömlun við Háskóla Íslands. Eftir þetta segir höfundur frá skjólstæðingi sínum og námi hans í hönnun og smíði. Að lokum reynir höfundur að svara því hvernig nám í hönnun og smíði getur stutt bæði námslega og félagslega við einstaklinga með þroskahamlanir.