en English is Íslenska

Thesis (Bachelor's)

University of Iceland > Menntavísindasvið > B.A./B.Ed./B.S. verkefni - Menntavísindasvið >

Please use this identifier to cite or link to this item: http://hdl.handle.net/1946/22880

Title: 
  • Title is in Icelandic Hvað á ég að gera við frítíma minn? : tómstundaráðgjöf fyrir ungmenni 16 til 25 ára
Degree: 
  • Bachelor's
Abstract: 
  • Abstract is in Icelandic

    Ritgerð þessi er 10 eininga lokaverkefni til BA gráðu í tómstunda- og félagsmálafræði við Háskóla Íslands. Ritgerðin fjallar um tómstundaráðgjöf fyrir ungmenni á aldrinum 16 til 25 ára. Þessi tiltekni hópur ungmenna mætir margvíslegum hindrunum þegar kemur að þátttöku í tómstundum en í ritgerðinni er aðallega fjallað um tvær gerðir hindrana; áhættuhegðun og félagslegan vanda. Ungmenni sem tilheyra þessum hópum glíma við mismunandi og fjölbreytilega vanda sem og ýmsa erfiðleika. Þá sýna rannsóknir að ungmenni utan skóla sæki minna í skipulagt félags- og tómstundastarf heldur en jafnaldrar þeirra sem eru í skóla. Einnig á þessi hópur ungmenna frekar við andlega og líkamlega vanlíðan að stríða og eru líklegri til að flokkast sem ungmenni með áhættuhegðun heldur en jafningjar þeirra sem eru í skóla. Jákvæðar og uppbyggjandi tómstundir geta unnið gegn þessum neikvæðu þáttum og hafa meðal annars uppeldisleg og forvarnarleg gildi ásamt því að fela í sér tækifæri til að bæta lífsgæði einstaklinga. Þá er ýmsilegt sem getur hindrað ungmenni til þátttöku í tómstundum og gætu sum ungmenni þurft aðstoð við að yfirstíga hindranirnar. Til að aðstoða við þetta ferli getur tómstundaráðgjöf verið virkilega nytsamleg. Í tómstundaráðgjöf fá einstaklingar fræðslu og ráðgjöf um það hvernig hægt er að öðlast ávinning af tómstundum og þátttöku í tómstundastarfi ásamt því að læra hvernig á að nýta frítíma sinn á árangursríkan hátt, sem leiðir til bættra lífsgæða. Þá skal tekið fram að hér á landi hefur ekki, svo vitað sé, verið fjallað um tómstundaráðgjöf fyrir ungmenni 16 til 25 ára og ætti ritgerðin því að geta nýst öllum þeim sem hafa áhuga á að aðstoða ungmenni við að bæta lífsgæði sín. Þá er tilgangur ritgerðarinnar að útskýra tómstundaráðgjöf ítarlega ásamt því að greina frá mikilvægi hennar og þar með kynna hana fyrir þeim sem ekki vita um hvað hún snýst.

Accepted: 
  • Sep 14, 2015
URI: 
  • http://hdl.handle.net/1946/22880


Files in This Item:
Filename Size VisibilityDescriptionFormat 
Sandra Óskarsdóttir_tómstundaráðgjöf_BA2015.pdf853.06 kBOpenHeildartextiPDFView/Open