Allar hömlur á skoðanafrelsi voru saltsýra á mínum beinum : samræðan sem kennsluaðferð og undirstaða menntunar til sjálfræðis

Abstract

Í þessari ritgerð er fjallað um þátt og möguleika samræðunnar í kennslu fjölbreyttra faggreina. Markmið ritgerðarinnar er að kanna forsendur samræðunnar sem kennsluaðferðar og leggja fram rök fyrir beitingu hennar í kennslu, ásamt því að varpa fram hugmynd um hvernig innleiða mætti samræðuna við kennslu fjölbreyttra faggreina. Til þess er stuðst við samræðulíkan Urs Rufs og Peter Gallins.Skoðuð voru ákvæði Aðalnámskrár grunnskóla (2011–2013) í þessu samhengi og þar leitað að rökum fyrir tilvist samræðunnar í kennslu. Einnig var unnið úr safni heimilda til þess að leita leiða og möguleika við að innleiða eða efla samræðuna við kennslu fjölbreyttra faggreina á áhrifaríkan máta.Því var leitað svara við eftirfarandi rannsóknarspurningu: Hvað styður það að samræðan verði álitin grundvallarkennsluaðferð í grunnskólum á Íslandi?