is Íslenska en English

Lokaverkefni Landbúnaðarháskóli Íslands > Umhverfisdeild > Meistaraprófsritgerðir - Umhverfisdeild >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23145

Titill: 
  • Mat á gæðum aðalskipulagsáætlana. Notagildi gátlista við aðalskipulagsgerð
Skilað: 
  • Október 2015
Útdráttur: 
  • Viðfangsefni verkefnisins var notkun gátlista við gerð aðalskipulags á Íslandi. Gátlistinn sem varð fyrir valinu var fenginn úr bókinni Urban Land Use Planning en höfundar hennar eru Berke, P., Godschalk, D., Kaiser, E. & Rodriguez, D., og er hún frá árinu 2006. Gátlistinn gengur út á það að meta gæði skipulagsáætlana hvað varðar kröfur um innihald þeirra, notagildi og fleira. En áður en gátlistanum var beitt á aðalskipulagsáætlanirnar var hann heimfærður fyrir íslenskar aðstæður, þ.e. örlitlar breytingar voru gerðar á spurningum og bætt var við spurningum sem byggja á íslenskum skipulagslögum og fleira. Auk gátlistans var farið yfir aðalskipulagsáætlanir, þróun aðalskipulags út frá lagabreytingum og nýjum áherslum, skipulagskerfið á Íslandi og sveitarstjórnarstigið.
    Markmiðið með verkefninu var að varpa ljósi á styrkleika og veikleika íslenskrar aðalskipulagsgerðar með því að nota gátlista við yfirferð 13 aðalskipulagsáætlana og komast að því hvert notagildi slíks gátlista er í íslensku skipulagskerfi. Auk þess sem þróun aðalskipulags var skoðuð út frá lagalegu samhengi.
    Við gerð aðalskipulags þarf að huga að mörgum þáttum og því getur verið auðvelt að týna þræðinum, yfirsjást eitthvað, eða gleyma einhverju í ferlinu. Skipulagsstofnun lét vinna árið 2003 ítarlegt leiðbeiningarit, sem ætti að vera gott hjálpartæki við þá vinnu er aðalskipulagsgerð felur í sér, en síðan eru liðin 12 ár og því margt, sem þarf að uppfæra, sér í lagi það, sem tengist löggjöfinni beint og breyttist við tilkomu nýrra skipulagslaga nr. 123/2010.
    Niðurstöður verkefnisins sýndu að notkun gátlistans hefur þann möguleika, að auka gæði aðalskipulagsáætlana, hann sýndi fram á hverjir styrkleikar og veikleikar íslenskra aðalskipulagsáætlana eru út frá kröfum gátlistans, auk þess að í ljós kom að hann á vel við íslenskar aðstæður. Niðurstöður sýndu það einnig, að þær breytingar sem hafa átt sér stað í íslenskum skipulagslögum hafa haft jákvæð áhrif á gæði aðalskipulagsáætlana, út frá kröfum gátlistans. Gátlistann er bæði hægt að hafa til hliðsjónar á meðan á aðalskipulagsvinnunni stendur og einnig í lokin til að yfirfara það sem er komið og fá á hreint hvort það er eitthvað sem þurfi að bæta.

Samþykkt: 
  • 29.10.2015
URI: 
  • http://hdl.handle.net/1946/23145


Skrár
Skráarnafn Stærð AðgangurLýsingSkráartegund 
Lokaverkefni_Myrra Ösp Gísladóttir.pdf5.26 MBOpinnPDFSkoða/Opna