Tvær algengar raskanir sem einkenna börn í íslenskum skólastofum

Abstract

Á síðustu árum og áratugum hefur orðið fjölgun á börnum sem greinast með ADHD (athyglisbrestur með ofvirkni) eða einhverfu. Helstu einkenni ADHD eru athyglisbrestur, ofvirkni og hvatvísi. Rannsóknir sýna að það eru um 5% barna sem glíma við ADHD í dag. Helstu einkenni einhverfu varða tengsl og samspil við aðra, mál og tjáskipti, og að lokum áráttuhegðun. Á Íslandi eru rúmlega 1% einstaklinga með röskun á einhverfurófi, sem þýðir að hér á landi eru um 3.000 einstaklingar með þessa röskun.Kennarar í grunnskólum geta gert margt til þess að auðvelda nemendur með ADHD eða einhverfu skólagöngu sína, meðal annars hafa í huga hvernig best sé að skipuleggja kennslustofuna þannig að hægt sé að aðstoða nemendur persónulega við að skipuleggja sig í námi og að veita þeim umbun fyrir jákvæða hegðun. Fram kemur í lögum um grunnskóla að allir grunnskólanemendur eigi rétt á að fá kennslu sem henti þeim í hvetjandi námsumhverfi. Einnig kemur fram í lögum að þeir grunnskólanemendur sem eru með sérþarfir eigi rétt á ákveðum stuðning í námi í samræmi við sérþarfir.