Lárétt bein réttaráhrif tilskipana í Evrópurétti

Abstract

Í þessari ritgerð er fjallað um lárétt bein réttaráhrif tilskipana í Evrópurétti með hliðsjón af dómaframkvæmd Evrópudómstólsins. Lögð er áhersla á þróun réttarreglunnar um bein réttaráhrif með því að greina frá tilurð og niðurstöðum helstu stefnumarkandi dóma er markað hafa spor í sögu reglunnar, til dagsins í dag. Fyrst er fjallað um regluna um bein réttaráhrif, skilyrði hennar og muninn á láréttum og lóðréttum réttaráhrifum. Því næst er vikið að þeim réttarheimildum sem njóta beinna réttaráhrifa, en þar á eftir er ítarlega rekin þróun réttarreglunnar út frá dómaframkvæmd Evrópudómstólsins. Þá er vikið að samantekt á dómaframkvæmd til ársins 2011, hvar gert er grein fyrir þeim réttarreglum sem stofnast hafa, áhrifum þeirra og þróun, auk þess sem stuttlega er vikið að deilum fræðimanna um efnið. Næsti kafli ritgerðarinnar er tileinkaður Kücükdeveci málinu og áhrifum þess á regluna um bein réttaráhrif tilskipana. Að lokum er að finna ályktanir af Kücükdeveci dómnum og niðurstöður þar sem fram koma meginatriði þess sem hér er fjallað um.