is Íslenska en English

Lokaverkefni (Bakkalár) Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23435

Titill: 
  • Meðganga og fyrstu ár barns. Viðskiptaáætlun
Námsstig: 
  • Bakkalár
Leiðbeinandi: 
Útdráttur: 
  • Ritgerð þessi er viðskiptaáætlun fyrir stofnun fyrirtækis sem heldur utan um hugbúnað fyrir snjalltæki, app, tengdum meðgöngu og fyrstu árum barns. Meðgönguöpp eru vel þekkt erlendis en slíkt app er ekki að finna á markaðnum hér á landi. Höfundur telur að vöntun sé á slíku appi á íslensku fyrir íslenskan markað. Markmiðið með þessari viðskiptaáætlun er að veita væntanlegum eiganda fyrirtækisins upplýsingar til að greina kosti og galla hugmyndarinnar að búa til, markaðssetja og selja umrætt app hér á landi.
    Í byrjun verður viðskiptahugmyndinni lýst með nokkuð ítarlegum hætti, síðan verður fyrirtækinu og þeim sem að því koma lýst ásamt því að skoðuð verða markmið fyrirtækisins. Fjallað verður um markaðinn sem fyrirtækið ætlar inn á og gerð markaðsgreining þar sem meðal annars hugsanlegir samkeppnisaðilar verða skoðaðir. Farið verður yfir þarfir viðskiptavina ásamt mögulegum samstarfsaðilum. Framkvæmd verður SVÓT greining sem fer yfir helstu styrkleika, veikleika, ógnanir og tækifæri við stofnun fyrirtækisins. Að lokum verða gerðar rekstrar- og fjárhagsáætlanir til að gera betur grein fyrir því hvort hagkvæmt sé að framkvæma viðskiptahugmyndina.
    Í seinni hluta ritgerðarinnar eru niðurstöður kynntar og sýna þær fram á að það ætti að borga sig að fara útí rekstur fyrirtækis utan um app tengt meðgöngu og fyrstu árum barns. Mikilvægt er þó að fylgja ávallt tækniþróun og uppfæra appið eftir þörfum. Sýnt var fram á betri nýtingu fyrir samfélagið að hafa upplýsingarnar í formi apps ásamt því hversu mikilvægt er að koma upp sterkum hóp af samstarfsaðilum þar sem tekjustreymi fyrirtækisins byggist að miklu leyti á auglýsingatekjum. Rekstraráætlanir sýna fram á að hugmyndin sé arðbær og ef vel tekst til má gera ráð fyrir því að eftirspurn sé fyrir fyrirtæki sem þetta á íslenskum markaði.

Samþykkt: 
  • 5.1.2016
URI: 
  • http://hdl.handle.net/1946/23435


Skrár
Skráarnafn Stærð AðgangurLýsingSkráartegund 
Hanna_María_Óskarsdóttir_BS.pdf1.2 MBLokaður til...01.02.2036HeildartextiPDF