Stuðningur hins opinbera við afreksíþróttafólk

Abstract

Markmið þessarar rannsóknar er að kanna hvernig stuðningur hins opinbera er við afreksíþróttafólk hér á landi. Við gerð rannsóknarinnar var stuðst var við bæði opinber og fyrirliggjandi gögn, auk þess tók höfundur eigindleg viðtöl við þrjá ólíka afreksíþróttamenn og bað þá um að segja frá upplifun sinni á stuðningi hins opinbera. Til þess að tryggja það að höfundur fengi víða sýn á málið valdi höfundur afreksíþróttafólk af báðum kynjum, úr mismunandi keppnisgreinum og lagði fyrir þau staðlaðan spurningalista. Markverðustu niðurstöður rannsóknarinnar voru þær að stuðningur við afreksíþróttafólk hér á landi sé ekki nægilegur en afreksíþróttafólkið sem rætt var við lýsti því að þau þyrftu íþróttarinnar vegna að búa við þröngan kost eða vera upp á foreldra sína komna langt fram á fullorðinsár. Niðurstöður sýna einnig að þeir fjármununir sem eyrnamerktir séu íþróttamálum í fjárlögum Alþingis séu langt frá því sem þekkist á Norðurlöndunum. Samkvæmt rannsókn þessari er hægt að álykta að nauðsynlega þurfi að gera töluverðar umbætur á kjörum afreksíþróttafólks bæði varðandi mánaðarlegan framfærslukostnað og almenn lýðréttindi sem eðlileg þykja á venjulegum vinnumarkaði.