Máttur vefsins. Vefmiðlun íslenskrar hjátrúar í nútímasamfélagi

Abstract

Greinargerð þessi er annar hluti lokaverkefnis míns í hagnýtri menningarmiðlun við Háskóla Íslands. Í verkefninu, Máttur vefsins, íslensk hjátrú í nútímasamfélagi, er íslenskum hjátrúarhefðum miðlað í gegnum veraldarvefinn í formi texta og ljósmynda, auk heimildarþáttarins, Íslensk hjátrú, leikhúshefðir. Markmið verkefnisins er að tengja saman íslenska sögu og menningu og miðla þeim í gegnum framsækna miðla í mismunandi formum.Í þessari greinargerð er fjallað um íslenska hjátrú og orsakasamhengið hvers vegna Íslendingar eru hjátrúarfullir. Megináherslan verður á tvo samfélagshópa, íþróttir og leikhús. Af hverju eru slíkar hjátrúarvenjur til staðar og hafa þær eitthvað að segja? T.d. ef leikari segir „Macbeth“ í leikhúsi mun honum ganga illa? Skilar það betri árangri fyrir íþróttamann að vera með lukkugrip á sér í keppni? Einnig verður farið í framkvæmdarþætti verkefnisins allt frá þróun hugmyndarinnar til útfærslu efnisins. Auk þess verður varpað ljósi á miðlunarleiðirnar (vef og þátt) og hvers vegna þær henta þessu viðfangsefni best.Vefsíðuna má finna á vefslóðinni www.hjatru.is