Höfundur skynjunar. Merking, myndlist og skynjunarkenningar

Abstract

Ritgerðin er tilraun til þess að sýna fram á hvernig nota má kenningar innan heimspeki listarinnar eða fagurfræði til þess að varpa ljósi á ákveðin vandamál í skynjunarheimspeki. Um hið andlega í listinni eftir Vassily Kandinsky er notað sem dæmi um kenningar af þessu tagi. Tengsl merkingar listaverka, ætlunar höfunda þeirra og skynjunar eru tekin til athugunar. Með því að hafna svipmótskenningum um merkingu og skynjun eru færð rök fyrir því að gera þurfi grein fyrir merkingu listaverka á annan hátt en með tilvísun í svipmót eða líkindi. Skynjun áhorfenda á listaverkum er ólík skynjun almennt og hentar því vel til rannsókna á skynjun.