Framhaldsfræðsla á Íslandi : hvernig er aðgengi fullorðinna að framhaldsskólamenntun á Íslandi?

Abstract

Spurningin sem leitast er við að svara í þessari ritgerð er: „Hvernig er aðgengi fullorðinna að framhaldsskólamenntun á Íslandi?“Tilgangur ritgerðarinnar er að veita innsýn í þá þróun sem átt hefur og er að eiga sér stað í stefnumótun um menntun fullorðinna á Íslandi, nánar tiltekið aðgengi að framhaldsfræðslu eftir lagasetningu árið 2010 til ársins 2015, þegar þessi ritgerð er rituð. Orðið eða hugtakið „framhaldsfræðsla“ er notað í þessari ritgerð í ljósi tilveru þess í lögum um framhaldsfræðslu sem sett voru árið 2010 (Lög um framhaldsfræðslu nr. 27/2010). Margir aðilar bjóða með einum eða öðrum hætti upp á ýmis námskeið eða leiðir til að auka þekkingu fyrir þann aldurshóp sem um er rætt, í þessari ritgerð er hins vegar til umfjöllunar það framboð náms sem heyrir undir Lög um framhaldsfræðslu nr. 27/2010 og hefur verið viðurkennt af yfirvöldum sem slíkt. Hugmyndafræði hagfræðingsins og heimspekingsins Amartya Sen, um færninálgun eru skoðaðar í samhengi við þessa þróun á íslensku menntakerfi fyrir fullorðna.