Einu sinni var... : ævintýri í skólastofunni

Abstract

Í þessu verkefni er fjallað um ævintýri, uppeldisgildi þeirra og settar eru fram tillögur um hvernig megi nota þau í kennslu. Sýnt er fram á að ævintýri séu gagnleg fyrir börn og unglinga, ekki bara sem skemmtun heldur einnig sem aðstoð við lausn vandamála. Fyrst eru ævintýri skilgreind og fjallað um flokkun þeirra og aðferðir til þess að greina þau. Næst er fjallað um rannsóknir fræðimanna á ævintýrum og hvaða gildi þau geti haft fyrir börn og unglinga. Að lokum er fjallað um hvernig megi nota ævintýri í kennslu og settar fram tillögur um notkun þeirra í nokkrum námsgreinum. Tillögur þessar eru ætlaðar til þess að veita kennurum innblástur um hvernig þeir geti nýtt sér ævintýri í eigin kennslu.