Aðildarhæfi. Aðildarhæfi félaga með sérstöku tilliti til áhrifa opinberrar skráningar

Abstract

Í þessari ritgerð er leitað svara við því hvaða lágmarksskilyrðum félög þurfa að mæta til þess að njóta aðildarhæfis að íslenskum rétti. Farið er sérstaklega yfir það hvaða þýðing skráning félaga í fyrirtækjaskrá hefur í því tilliti. Eftir að niðurstöðum hvað það varðar hefur verið slegið föstum er með nánari hætti vikið að þeim efnislegu skilyrðum sem félög þurfa að fullnægja til að njóta aðildarhæfis. Reynt er að afmarka hvort einhver almenn skilyrði séu fyrir hendi sem gildi jafnt um öll félög. Að mestu er farið yfir þau sjónarmið sem gilda um almenn félög, sem og sérsjónarmið varðandi sameignarfélög. Einnig er vikið að sérreglum sem gilda um hlutafélög (hf.), einkahlutafélög (ehf.) og samvinnufélög (svf.). Í lok ritgerðarinnar er fjallað um lok aðildarhæfis félaga. Vikið er að áhrifum afskráningar hvað það varðar sem og almennum viðmiðum sem um það gilda. Einnig er vikið að sérreglum sem gilda um áhrif afskráningar hf., ehf. og svf.