Aðild að dómsmálum til ógildingar stjórnvaldsákvarðana. Er þörf á lagasetningu?

Abstract

Í íslenskum rétti hefur ekki komið til þess að sérstök lagaákvæði hafi verið sett um það hverjum skuli stefna þegar krafist er ógildingar stjórnvaldsákvörðunar fyrir dómstólum. Mótast hafa í dómaframkvæmd meginreglur í þessum efnum sem eru þó misskýrar og mishentugar með hliðsjón af þeim tilgangi sem slík aðild á að þjóna. Þessi framkvæmd hefur sætt gagnrýni og raddir hafa verið á lofti um það hvort ekki væri hentugra að setja lagareglur um efnið til að taka af allan vafa og koma á því fyrirkomulagi sem vænlegast er til þess að slík mál upplýsist á sem bestan máta svo hægt sé að komast að réttri niðurstöðu. Leitast verður hér við að greina þær meginreglur sem finna má í dómaframkvæmd um þessi efni og um leið velta því upp hvernig þær meginreglur eru til þess fallnar að slík mál verði upplýst að fullu og samrýmist sjónarmiðum um réttaröryggi borgaranna.