is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23949

Titill: 
  • Kenningin um þrígreiningu ríkisvaldsins og sjálfstæði íslenskra dómstóla
Námsstig: 
  • Bakkalár
Efnisorð: 
Útdráttur: 
  • XI. bók ritsins De L’espirit des Loix, eða Andi Laganna eftir Charles Louis de Secondat de Montesquieu fjallar um kenninguna um þrígreiningu ríkisvaldsins. Hana er að finna í einhverri mynd í stjórnskipan flestra lýðræðisríkja, þar á meðal hér á landi. Meginmarkmið þrígreiningarkenningarinnar er að tryggja öryggi borgaranna frá ofríki ríkisvaldsins. Hún byggir á bölsýni um eðli mannsins og því að þeir sem fari með vald hafi tilhneigingu til þess að misnota það. Af þeirri ástæðu sé nauðsynlegt að tempra vald með valdi. Lykilþáttur í að tryggja réttaröryggi borgaranna er að dómstólar séu sjálfstæðir og óvilhallir í störfum sínum og stjórnskipaninni, eins og tiltekið er í núgildandi stjórnarskrá, almennri löggjöf og Mannréttindasáttmála Evrópu.
    Meginefni þessarar ritgerðar er að rýna í kenninguna, markmið hennar og innblástur og hvort, og þá hvernig, íslensk dómstólaskipan samrýmist kennisetningu Montesquieu. Sérstaklega er litið til skoðana Montesquieu um hvernig dómstólar skyldu skipaðir, hvaða hlutverk hann ætlaði þeim og hvernig samspil dómsvaldsins og annarra handahafa ríkisvaldsins ætti fram að fara. Í tengslum við framangreint er mikilvægt að skilja sögulegt samhengi kenningarinnar og þann raunveruleika sem hún varð til í, enda verða fáar kenningar til í tómarúmi og mótast mjög af samfélaginu og undanfarandi hugmyndum. Að lokum verður sérstök áhersla lögð á að skoða sjálfstæði dómstóla og dómara samkvæmt stjórnarskrá og almennri lagasetningu, sem og samspil og valdmörk dómstóla gagnvart öðrum handhöfum ríkisvalds í lögum og framkvæmd.

Samþykkt: 
  • 13.4.2016
URI: 
  • http://hdl.handle.net/1946/23949


Skrár
Skráarnafn Stærð AðgangurLýsingSkráartegund 
Kenningin um þrígreiningu ríkisvaldsins og sjálfstæði íslenskra dómstóla.pdf471.69 kBOpinnHeildartextiPDFSkoða/Opna
Yfirlýsing_Ragnhildur.pdf301.69 kBLokaðurYfirlýsingPDF