is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23954

Titill: 
  • Röng túlkun Hæstaréttar á EES-rétti. Íhuganir í kjölfar rökstudds álits ESA frá 20. janúar árið 2016
Námsstig: 
  • Bakkalár
Útdráttur: 
  • Þann 20. janúar 2016 sendi Eftirlitsstofnun EFTA (ESA) frá sér rökstutt álit. Slíkt álit er liður í samningsbrotamáli stofnunarinnar gegn EFTA ríki ef stofnunin telur ríki ekki standa við skyldur sínar skv. EES-samningnum (EESS), sbr. 1. mgr. 31. gr. samningsins um stofnun eftirlitsstofnunar og dómstóls (EDS). Í álitinu komst ESA að þeirri niðurstöðu að reglan um skaðabótaábyrgð ríkisins vegna brota á EES-rétti næði til æðstu dómstóla og að íslensk löggjöf hefði ekki að geyma fullnægjandi úrbætur vegna slíkra brota.
    Meginmarkmið ritgerðarinnar er að sjá fyrir líklega niðurstöðu dómsmáls ef ESA skyldi höfða samningsbrotamál gegn Íslandi fyrir EFTA-dómstólnum í kjölfar álitsins, sbr. 2. mgr. 31. gr. EDS. Áður en farið er í þá greiningu verður vikið að sérstöku eðli EES-réttar. Því næst verður litið til sérstakra stofnana EES-réttar, hvernig málsmeðferð fyrir þeim fer fram og hversu bindandi álit þeirra er. Þar á eftir verður farið í skaðabótaábyrgð í Evrópurétti og EES-rétti og þau grunnrök sem liggja að baki þróun skaðabótaábyrgðar í báðum réttarkerfum verða athuguð. Að því loknu verður rýnt í rökstutt álit ESA frá 20. janúar 2016 og þær ákúrur sem þar má finna á hendur íslenska ríkinu. Í lokin verða helstu niðurstöður dregnar saman. Ályktað verður hvort skaðabótaábyrgð æðstu dómstóla teygi anga sína yfir í EES-rétt og hverjar yrðu endanlegar lyktir í dómsmáli ESA gegn Íslandi.

Samþykkt: 
  • 13.4.2016
URI: 
  • http://hdl.handle.net/1946/23954


Skrár
Skráarnafn Stærð AðgangurLýsingSkráartegund 
Gudmundursnaebjornsson Baritgerd.pdf361.38 kBLokaður til...27.04.2135MeginmálPDF
forsidan.pdf6.11 kBLokaður til...18.04.2135ForsíðaPDF
Yfirlýsing_Guðmundur.pdf313.92 kBLokaðurYfirlýsingPDF