is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23956

Titill: 
  • Manndráp af gáleysi með sérstakri áherslu á efri mörk gáleysis og aðgreiningu frá lægsta stigi ásetnings
Námsstig: 
  • Bakkalár
Útdráttur: 
  • Í ritgerð þessari verður fjallað um manndráp af gáleysi skv. 215. gr. í almennum hegningarlögum nr. 19/1940 og verður sérstaklega vikið að mörkum stórfellds gáleysis og lægstu stigum ásetnings (l. dolus eventualis).
    Fjöldinn allur af málum hefur gengið þar sem sakfellt er fyrir manndráp af gáleysi. Að vera sakaður um manndráp, hvort sem það er af ásetningi eða gáleysi, er mjög íþyngjandi og litar mannorð viðkomandi til æviloka. Því þurfa dómstólar að stíga varlega til jarðar þegar til greina kemur að sakfella viðkomandi fyrir manndráp af gáleysi. Dómarar hafa skilgreint nánar mörkin á milli þess hvenær um ásetning, gáleysi eða hreinlega óhappatilviljun er að ræða, en það getur reynst þrautinni þyngri þar sem matið byggist oft á huglægri afstöðu geranda.
    Viðfangsefni þessarar ritgerðar er að afmarka nánar hvað felst í gáleysishugtaki 215. gr. hgl. Leitast verður eftir að svara þeirri spurningu hvenær háttsemi teljist vera gáleysisverk eða hvort að huglæg afstaða viðkomandi sé svo hörðnuð að verkið teljist til ásetnings.
    Fyrst verður farið yfir hugtakið manndráp af gáleysi skv. 215. gr. hgl. og sögulega þróun gáleysis í íslenskum rétti. Þá verður stuttlega vikið að saknæmisskilyrðum hegningarlaga. Í fjórða kafla verður gerð grein fyrir mörkum gáleysis og aðgreiningu þess frá lægstu stigum ásetnings, auk þess sem gáleysi er skilgreint ásamt lægsta stigi ásetnings (l. dolus eventualis) og fjallað um skörun hugtakanna með tilliti til dómaframkvæmdar. Í fimmta kafla verður norrænn réttur skoðaður og almennt hvernig ákvæðinu um manndráp af gáleysi er beitt í framkvæmd á Norðurlöndunum og hvernig mörkin á milli ásetnings og gáleysis eru túlkuð af dönskum dómstólum. Í lok ritgerðar verður tekið saman þau sjónarmið sem um var fjallað í ritgerðinni og tilraun gerð til að draga saman helstu niðurstöður.

Samþykkt: 
  • 14.4.2016
URI: 
  • http://hdl.handle.net/1946/23956


Skrár
Skráarnafn Stærð AðgangurLýsingSkráartegund 
Hildur Guðrún Þorleifsdóttir.pdf514.79 kBOpinnHeildartextiPDFSkoða/Opna
Yfirlýsing_Hildur.pdf313.79 kBLokaðurYfirlýsingPDF