Íþróttaiðkun í mótvind og svartnætti : frásagnir íþróttafólks af baráttu sinni við geðræn vandamál

Abstract

Hvers vegna leita íþróttamenn sér síður hjálpar vegna geðrænna vandamála en almenningur? Er nægjanlega vel búið að íþróttafólki varðandi sálræna þáttinn í íþróttum? Eru einhverjar hindranir sem standa í vegi fyrir hjálparleit meðal íþróttafólks sem glímir við geðræn vandamál? Í þessari eigindlegu rannsókn er leitast eftir því að varpa ljósi á upplifun og raunheim íþróttafólks sem glímt hefur við geðræn vandamál. Markmið rannsóknarinnar er að öðlast dýpri skilning og varpa ljósi á reynslusögur íþróttafólks í gegnum opin viðtöl. Í niðurstöðum er dregið fram mögulegan aðdraganda veikindanna ásamt áhrifum og einkennum. Aukinheldur gefa niðurstöður til kynna að ákveðnar hindranir séu til staðar er varða hjálparleit, sem meðal annars stafa af ótta við fordóma, veikleikastimplun eða mismunun. Komið er inn á mögulegar lausnir sem gætu orðið til þess að íþróttafólk gangi frekar bataveginn í stað þess að bera hinn þunga kross geðrænna vandamála án þess að leita viðeigandi hjálpar. Fáar rannsóknir af þessum toga hafa verið framkvæmdar og eftir bestu vitund er þetta sú fyrsta sinnar tegundar hérlendis sem skoðar upplifun og raunheim íþróttafólks sem glímt hefur við geðræn vandamál samhliða íþróttaiðkun.