Áhrif prótón-pumpu hemla og lífeðlisfræðilegra þátta á fastandi gastrín-örvun

Abstract

Gastrín er einn helsti hvatinn fyrir sýruframleiðslu í maganum. Þegar sýrustig í maganum hækkar í kjölfar sýruhemjandi lyfjameðferðar eykst örvun á gastríni, sem getur leitt til of mikillar framleiðslu á magasýru þegar meðferð er hætt. Ekki er þekkt hvaða þættir hafa áhrif á þessa örvun þegar prótón-pumpan er óvirk og var markmið þessarar rannsóknar að skoða tengsl lyfja og lífeðlisfræðilegra þátta á gastrín-örvun við fastandi aðstæður.Notast var við niðurstöður gastrín-mælinga úr tveimur rannsóknum á sjúklingum sem höfðu verið á langtíma sýruhemjandi lyfjameðferð. Fastandi gastrín-mælingar voru bornar saman milli undirhópa með ópöruðu t-prófi eða anova dreifigreiningu til þess að kanna tengsl þeirra á milli.Heildarþýði rannsóknarinnar samanstóð af 158 sjúklingum (79 konur (50%), miðgildi aldurs 61 (IQR ±15) og þyngdarstuðuls 28.7 (IQR ±5.8)). Miðgildi meðferðarlengdar var 6 ár (IQR ±4.7). 62 þátttakendur notuðu rabeprazól (49.8%), 50 notuðu ómeprazól (32.9%) og 40 esómeprazól (26.3%).Niðurstöður sýndu að konur hafa hærri fastandi gastrín-gildi heldur en karlar. Gastrín virðist hafa tilhneigingu til þess að hækka með aldri. Þeir sem greindust með H.pylori sýkingu höfðu hærri fastandi gastrín-gildi heldur en þeir sem ekki voru sýktir. Gastrín mældist lægra hjá þeim sem þjáðust af offitu (BMI ˃30) miðað við þá sem voru léttari og var munurinn greinilegri meðal kvenna. Hvorki reykingar né meðferðarlengd virðist hafa áhrif á fastandi gastrín.