„Læðist ég á Völlinn inn“

Abstract

Árið 1951 kom Varnarliðið til Keflavíkur eftir undirritun samnings milli ríkisstjórna Íslands og Bandaríkjanna um hervarnir Íslands á þeim ógnvænlegu tímum sem þá voru í heimsmálunum. Kalda stríðið var staðreynd. Samningurinn varð til þess að hingað voru sendir bandarískir hermenn, og flestir ungir og einhleypir. Strax fór að bera á Ástandi svipuðu og var á tímum hernámsins á Íslandi þegar íslenskt kvenfólk sótti í hermennina sem þá voru hér á landi. Tekið var viðtal við fjóra einstaklinga sem allir tengjast veru varnarliðsins á einn eða annan hátt og sögur þeirra af meðal annars næturlífinu og paramyndun inni á Vellinum bornar saman. Einnig var skoðað hvað aðrir hafa fjallað um lífið innan Girðingar og hvort það sé einhver samhljómur með því og því sem viðmælendur mínir höfðu fram að færa.