I motivi dell'emigrazione e della guerra nell'opera di Maria Messina

Abstract

Umfjöllun í þessari ritgerð er bundin við hvernig ítalski rithöfundurinn María Messina túlkar áhrif fólksflutninga til Ameríku eða þátttöku í stríðinu í byrjun tuttugustu aldar.Í ritgerðinni verða athuguð orlög þeirra sem eftir sitja, sérstaklega kvenna, barna og gamalmenna. Fyrst er skoðað hverjir fara að heiman og af hverju, síðan skoðað hvernig fólk sem fer ekki upplifir þennan fólksflótta. Í ljós kemur að flestir þola illa áhrif einverunnar, skort á fréttum og þá erfiðleika sem fátækt fylgir. Þrátt fyrir allt er samt hægt að finna nokkur tilfelli um konur sem takast á við erfiðleikana og reyna að finna leið til að bjarga sér og fjölskyldunni.