is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24174

Titill: 
  • Frá undirgefni til valdeflingar. Ferðalag kvenna undan viðjum útlitsdýrkunar
  • Titill er á ensku Submission to empowerment. The road to freedom from women apperances oppression
Námsstig: 
  • Meistara
Útdráttur: 
  • Kvenlíkaminn er samofinn félagslegum og menningarlegum öflum. Til þess að geta skoðað líkamsupplifun kvenna í heildarsamhengi, þá eru markmið rannsóknarinnar þríþætt: Í fyrsta lagi að greina sameiginlega upplifun kvenna af ríkjandi útlitsvæntingum; í öðru lagi að greina sameiginleg einkenni kvennanna, annars vegar þegar þær gengust við ráðandi útlitsviðmiðum og hins vegar þegar þær gengust ekki við útlitsviðmiðunum; í þriðja lagi að öðlast skilning á viðhorfsbreytingu kvennanna, bæði í garð eigin líkama og ráðandi útlitsvæntinga. Rannsóknin byggir á kenningarlegri nálgun félagsfræði ásamt femínískum fræðum, sálfræði, mannfræði, og kennslufræði. Rannsóknin er unnin með eigindlegri aðferðafræði þar sem tekin voru viðtöl við ellefu ólíkar konur á aldrinum 20-44 ára. Niðurstöðum er skipt upp í fjóra megin hluta; upplifun útlitsvæntinga, undirgefni, valdeflingu og breytt viðhorf til útlitsmenningar. Megin niðurstöður eru þær að allar konurnar upplifa miklar útlitskröfur og fundu fyrir þeim í gegnum miðla, úr nánasta umhverfi og í samskiptum. Slíkar væntingar virðast hafa minna vægi fyrir viðmælendur í dag en áður gerði. Neikvæð líkamsupplifun, öfgafull líkamsrækt, megranir og skortur á gagnrýni á ferlið sem var í gangi einkenndi líf kvennanna þegar þær gengust við ráðandi væntingum. Jákvæðari líkamsmynd, gagnrýn hugsun, heilbrigður lífsstíll með áherslu á heilsu en ekki útlit og ögranir gagnvart ráðandi staðalmynd kvenfegurðar einkennir konurnar hins vegar þegar útlitsöflin hafa minna vægi. Það þurfti afdrifaríka atburði hjá flestum þeirra til þess að viðhorfin breyttust gagnvart útlitsmenningu og að áhrif útlitskrafna minnkuðu.
    Lykilorð: Útlitsmenning kvenna; neikvæð líkamsmynd; líkamsmótun; viðhorfsbreyting; valdefling; gagnrýnin hugsun; jákvæð líkamsmynd

  • Útdráttur er á ensku

    The woman’s body is entwined with social and cultural influences. To get an overview of how women experience their own body the study set out with three goals: Analysis of the collective female experience of the dominant expectations of women’s appearances; analysis of distinctive features of the women participating in the study – on one hand women trying to fulfill the dominant body type standards and on the other hand women that were not; to understand the change in attitude the women had towards their own body image as well as external demands of appearances. The study is based on sociology study along with feminist, psychology, anthropology and pedagogy studies. The study was conducted using qualitative research methods where data was collected from eleven different women aged 20-44. Results are presented in four main chapters in this paper; the experience of expectations, submissiveness, empowerment and changed attitude towards the culture of appearance. The main results show that all participants experience demands on appearances, sense them through the media, in their personal environment and in interaction with other people. Nonetheless these demands have much less impact on the participants now than they did before. Negative body image, excessive training, dieting and reduced critical thinking was collective for the participants when they tried to follow societies expectations of body appearances. More positive body image, critical thinking, healthy lifestyle which emphasized health but not appearance, was seen in the group of women where the expectations of appearances had less impact. Significant events in the women’s life’s were usually the reason for changes in attitude towards societies expectations on appearances and also diminished the demands they put on themselves.

Samþykkt: 
  • 4.5.2016
URI: 
  • http://hdl.handle.net/1946/24174


Skrár
Skráarnafn Stærð AðgangurLýsingSkráartegund 
Frá undirgefni til valdeflingar_LPB.pdf1.16 MBOpinnHeildartextiPDFSkoða/Opna
Yfirlýsing_LindaBjörk.pdf332.34 kBLokaðurYfirlýsingPDF