is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24182

Titill: 
  • Kynferðisglæpir kaþólskra klerka og alþjóðleg refsivarsla
  • Titill er á ensku Sexual violence within the Catholic church and international criminal responsibility
Námsstig: 
  • Meistara
Útdráttur: 
  • Í ljósi aukinnar umræðu í alþjóðasamfélaginu um kynferðislega misnotkun af hendi presta og annarra embættismanna kaþólsku kirkjunnar hefur vaknað sú spurning hvort þessi víðtæku, og að því er virðist kerfisbundnu, brot geti talist til glæpa gegn mannúð er varða alþjóðasamfélagið í heild. Það veitir vísbendingu um víðfeðmi vandans að í öllum þeim ríkjum þar sem kaþólska kirkjan er starfrækt hafa komið upp alvarleg mál af þessu tagi. Ástæðan fyrir því að kaþólska kirkjan er tekin sérstaklega til athugunar í þessari ritgerð er annars vegar sú að um fjölmennan hóp gerenda innan kirkjunnar er að ræða og hins vegar að það er rannsóknarefni út af fyrir sig hvernig tekið er á þessum málum innan hennar. Með þessu er vísað í það sem virðist kerfisbundnar yfirhylmingar háttsettra embættismanna kirkjunnar og hvernig hagsmunir kirkjunnar eru látnir vega þyngra en hagsmunir fórnarlamba í því samhengi.

    Ljóst er að þessir verknaðir, sem á undanförnum árum hafa ratað upp á yfirborðið, eru refsiverðir samkvæmt löggjöf flestra ríkja. Það er hins vegar vert að kanna hvort þeir teljist einnig brot samkvæmt alþjóðlegum refsirétti og þá hvort réttara sé að taka á vandanum á alþjóðlegum vettvangi. Í ritgerð þessari veltir höfundur þeirri spurningu fyrir sér og rannsakar hvort skilyrðum glæpa gegn mannúð sé fullnægt að því er varðar kynferðislega misnotkun af hendi presta gegn börnum og öðrum berskjölduðum einstaklingum. Einkum er leitast við að kanna hvort þessir glæpir geti í einhverjum tilvikum fallið undir gildissvið alþjóðasamninga um alþjóðlega refsiábyrgð. Í þessari ritgerð er því kannað hvort og þá á hvaða grundvelli mögulegt sé að leggja refsiábyrgð á einstaklinga á alþjóðlegum vettvangi, sem grunaðir eru um kynferðislega misnotkun, og einnig þá sem greiða fyrir framningu slíkra verknaða.

Samþykkt: 
  • 4.5.2016
URI: 
  • http://hdl.handle.net/1946/24182


Skrár
Skráarnafn Stærð AðgangurLýsingSkráartegund 
MA_ritgerð_Dilja Catherine Thidriksdottir.pdf850.44 kBLokaður til...19.03.2039MeginmálPDF
Forsíða_MA_ritgerð_Dilja Catherine Thidriksdottir.pdf37.31 kBOpinnForsíðaPDFSkoða/Opna
Yfirlýsing_Diljá.pdf310.48 kBLokaðurYfirlýsingPDF