is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24203

Titill: 
  • #aktívismi. Stafrænn aktívismi sem viðfangsefni mannfræðinnar
Námsstig: 
  • Bakkalár
Leiðbeinandi: 
Útdráttur: 
  • Tengsl mannfræðinnar við aktívisma má rekja til upphafs 20. aldarinnar en með tilkomu stafrænna miðla hefur aktívisminn sem og vettvangur mannfræðinnar tekið umtalsverðum breytingum. Á stafrænum vettvangi fer fram umræða um samfélagsmál og aktívisminn hefur því samhliða færst yfir á stafræna miðla að verulegu leyti. Að undanförnu hefur stafrænn aktívismi verið afar áberandi í fjölmiðlum og áhrif hans á umræðu um stjórnmál og samfélagsmál verið ótvíræður. Stafrænn aktívismi hefur þó ekki verið laus við gagnrýni en ýmsir telja að aktívismi sem eigi sér stað á stafrænum vettvangi sé ekki jafn raunverulegur og annar aktívismi. Sem dæmi hefur verið bent á að þátttakan í stafrænum aktívisma kunni að einkennast af öðrum og sjálfhverfari hvötum en raunverulegum vilja til þess að breyta samfélaginu.
    Stórar netbyltingar hafa undanfarið átt sér stað á vettvangi samfélagsmiðla og gæti það bent til aukinna áhrifa internetsins og hins stafræna á aktívisma og baráttu fyrir samfélagsbreytingum. Áhrif netbyltinga á Íslandi undanfarið hafa þó sýnt fram á það með ótvíræðum hætti að stafrænn aktívismi getur haft mikil áhrif og hæglega náð til stjórnmálamanna og áhrifafólks í samfélaginu. En hver eru tengsl mannfræðinnar við aktívisma? Hvaða áhrif hafa hið stafræna og aktívismi sem á sér stað á internetinu á hugmyndir og hugtök sem lengi vel voru fastmótuð innan mannfræðinnar? Mun stafrænn atkívismi taka alfarið við af hefðbundnum aktívisma? Þessar spurningar eru meðal þeirra sem leitast verður við að svara í þessari ritgerð. Mannfræðin hentar vel til rannsókna á hinu stafræna og stafrænum aktívisma og því verða netbyltingar og áhrif þeirra eflaust umfangsmeiri sem rannsóknarefni mannfræðinga í framtíðinni.

Samþykkt: 
  • 6.5.2016
URI: 
  • http://hdl.handle.net/1946/24203


Skrár
Skráarnafn Stærð AðgangurLýsingSkráartegund 
Agnes_Hauksdóttir_BA_ritgerð.pdf355.74 kBOpinnHeildartextiPDFSkoða/Opna