is Íslenska en English

Lokaverkefni (Bakkalár) Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24216

Titill: 
  • Samfélagshreyfingar sem hófust á samfélagsmiðlum. Hlutverk samfélagsmiðla fyrir myndun og þróun samfélagshreyfinga
Námsstig: 
  • Bakkalár
Leiðbeinandi: 
Útdráttur: 
  • Samfélagsmiðlar eru fyrir fjölmarga ómissandi hluti af mannlegri tilveru í vestrænu samfélagi. Þeir eru margvíslegir og mismunandi en eitt af helstu afekum sem samfélagsmiðlar hafa stuðlað að er að fá fólk til að haga sér í samræmi hvert við annað, og hefur það breytt alþjóðlegu almannarými. Vettvangur samskipta er að verða þéttari, flóknari og þátttökuvænni. Með tilkomu og útbreiðslu stafrænnar tækni og samfélagsmiðla öðlast fólk aukinn aðgang að meira magni upplýsinga. Samfélagsmiðlar hafa fært fólki aukin tækifæri til að taka þátt í almennri umræðu og aukna getu til þess að taka þátt í sameiginlegum aðgerðum. Samfélagsmiðlar eru þýðingarmikið tæki fyrir flestar pólitískar hreyfingar heimsins í dag til þess að samræma málaflutning sinn og koma skilaboðum á framfæri, bæði til félagsmanna og annarra. Hins vegar geta samfélagsmiðlar líka hæglega skapað þá blekkingu á meðal netverja að þeir hafi mun meiri pólitísk áhrif en reyndin er. Í þessari ritgerð er fjallað um hlutverk samfélagsmiðla fyrir myndun og þróun samfélagshreyfinga. Teknar eru til umræðu þrjár hreyfingar, þar af tvær íslenskar, þ.e. „Free The Nipple“ og „Þöggun“, og ein erlend, þ.e. „Black Lives Matter“. Fjallað er um kenningalegan grundvöll samfélagshreyfinga út frá sex skilyrðum Smelsers fyrir sameiginlegri hegðun, ásamt því að fjalla um kenningar Porta og Diani um ferli samfélagshreyfinga. Ólík sjónarmið gagnvart raunverulegum áhrifamætti samfélagsmiðla eru reifuð og tveir stærstu og vinsælustu samfélagsmiðlarnir í dag, Twitter og Facebook, eru teknir til sérstakrar umfjöllunar vegna þýðingar þeirra og hlutverka í mótun og viðhaldi samfélagshreyfinga. Samfélagsmiðlar geta þjónað sem öflugt hjálpartæki fyrir samfélagshreyfingar; þeir auðvelda upphaf og ýta undir þróun þeirra og geta sömuleiðis aukið almenna vitund um málstað þeirra. Hins vegar eru samfélagsmiðlar ekki orsök fyrir uppkomu og tilvist samfélagshreyfinga. Aðrir áhrifaþættir þurfa að vera til staðar.

Samþykkt: 
  • 6.5.2016
URI: 
  • http://hdl.handle.net/1946/24216


Skrár
Skráarnafn Stærð AðgangurLýsingSkráartegund 
BA-ritgerðin--- Guðrún Ósk Guðjónsdóttir.pdf726.06 kBOpinnHeildartextiPDFSkoða/Opna
Yfirlýsing_GuðrúnÓsk.pdf357.14 kBLokaðurYfirlýsingPDF