Eru kynþættir til? Umfjöllun og gagnrýni á gamalgróið hugtak

Abstract

Hér er fjallað um hvernig hugmyndir um kynþætti birtast í samfélaginu og í fræðilegri umfjöllun og reynt að rýna í merkingu og gildi orðsins „kynþættir“. Merkingin virðist oft óljós og jafnvel óviðeigandi og tabú. Með því að skoða sögulega tilkomu kynþáttahyggju og bera saman notkun þess í fortíð og nútíð reyni ég að gera grein fyrir þeim kringumstæðum sem skapa tvírætt og óljóst eðli þess. Ég tek sérstakt tillit til hugtaksins á tímum erfðarannsókna en einnig menningarlegra birtingarmynda þess, sem og vægi í sjálfsmynd einstaklinga.