Samanburðarkönnun á vindtúrbínum. Vestas V112-3.3 MW og Siemens SWT-3.4-108

Abstract

Í þessari skýrslu eru bornar saman tvær gerðir af vindtúrbínum, gíraðar og ógíraðar af sambærilegri stærð, og framleiðslugeta þeirra skoðuð miðað við veðuraðstæður og vindafar í Þykkvabæ. Þær gerðir sem um ræðir eru Vestas VM112-3.3 MW (3,3 MW) og Siemens SWT-3.4-108 (3,4 MW). Veðurgögn frá veðurathugunarstöðinni í Þykkvabæ, mæld í 10 metra hæð yfir sjávarmáli, eru skoðuð og út frá þeim er vindhraði nálgaður upp í 90 m hæð og líka er fundin nálgun á þéttleika lofts. Veðurgreiningaforritið WAsP (Wind Atlas Analysis and Application Program) er notað til að gera vindrósir fyrir þau tímabil sem skoðuð eru.Niðurstaða samanburðarkönnunarinnar var sú að á rúmlega 15 ára tímabili hefðu báðar gerðir framleitt um 190 GWh af orku og út frá því er ályktað að horfa verði til annarra þátta en framleiðslugetu með tilliti til hagkvæmni.