is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24765

Titill: 
  • Forvarnir gegn sjálfsvígum ungmenna
  • Titill er á ensku Youth suicide prevention
Námsstig: 
  • Bakkalár
Leiðbeinandi: 
Útdráttur: 
  • Sjálfsvíg eru önnur algengasta dánarorsök fólks á aldrinum 15-29 ára. Á Íslandi deyja að meðaltali 6 ungmenni vegna sjálfsvíga á ári hverju. Til að fyrirbyggja þessi ótímabæru andlát þarf að beita gagnreyndum forvörnum sem nálgast málið frá mörgum hliðum þar sem áhættuþættir eru margvíslegir og engin ein nálgun hefur áhrif ein og sér. Tilgangur þessarar fræðilegu samantektar var að skoða hvaða forvarnir gegn sjálfsvígum ungmenna hafa sýnt árangur samkvæmt rannsóknum, hvaða verkefni eru notuð á Íslandi og hvort þau styðjist við gagnreynda þekkingu.
    Skoðaðar voru rannsóknir og greinar sem fjölluðu um sjálfsvíg ungmenna og forvarnir gegn þeim, árangur forvarnanna og hvernig skuli beita þeim. Forvarnirnar voru flokkaðar niður í altækar, valkvæðar og viðbragðs forvarnir eftir því að hverjum þeim er beint. Niðurstöðurnar sýndu að með markvissum forvörnum má fækka sjálfsvígum ungmenna. Sumar gerðir forvarna hafa verið rannsakaðar meira en aðrar með tilliti til beinna áhrifa á sjálfsvígstíðni. Því er þörf á frekari rannsóknum. Á Íslandi hefur ýmsum forvörnum gegn sjálfsvígum ungmenna, úr öllum þremur flokkunum, verið beitt. Þó má enn gera betur á þessu sviði, til dæmis með aukinni skimun á sjálfsvígshættu innan heilsugæslunnar, bættum verklagsreglum um skimun á heilbirgðisstofnunum og áframhaldandi fræðslu til hliðvarða vítt og breitt um landið.
    Mikilvægt er að hjúkrunarfræðingar sinni forvörnum gegn sjálfsvígum ungmenna, þekki áhættuþætti og vísi ungmennum í sjálfsvígshættu í viðeigandi þjónustu. Snemmtæk inngrip eru lykilatriði í að fyrirbyggja sjálfsvíg og hjúkrunarfræðingar á sviði skólahjúkrunar, heilsugæslu og geðheilbrigðis-kerfisins eru í góðri aðstöðu til að sinna forvörnum.
    Lykilorð: Sjálfsvíg, ungmenni, forvarnir og áhættuþættir.

  • Útdráttur er á ensku

    Suicide is the second leading cause of death for people aged 15-29. Every year in Iceland approximately 6 young persons die from suicide. To prevent these untimely deaths, research based prevention that approach the subject from many sides is needed, because the risk factors are multifarious and no single approach will have an impact on its own. The purpose of this literature review was to look into which preventive measures against youth suicide have been proven to be effective, which measures are used in Iceland and if they are based on research.
    Research and other articles that discuss youth suicide and prevention, success of those preventions and how to use them were examined. Preventive measures were classified into universal, selective and indicated preventions, depending on who they were meant for. The findings suggest that with purposeful prevention strategies, the number of youth suicides can be reduced. Some prevention strategies have been researched more than others in reference to their effect on suicide rates. Therefore further research is needed. Various preventive measures for youth suicide prevention, from all categories, have been active in Iceland. Even so there is room for improvement in this area, e.g. increased screening in public health, improved code of practice of screening in health care service and continued gatekeeper training across the country.
    It is essential that nurses attend to youth suicide prevention, recognize the risk factors and refer young people at risk of suicide to the appropriate service. Early intervention is a key factor in preventing suicide and nurses in schools, public health and mental health are in a good position to use prevention strategies.
    Keywords: Suicide, youth, prevention and risk factors.

Samþykkt: 
  • 30.5.2016
URI: 
  • http://hdl.handle.net/1946/24765


Skrár
Skráarnafn Stærð AðgangurLýsingSkráartegund 
Forvarnir gegn sjálfsvígum ungmenna.pdf526.32 kBOpinnHeildartextiPDFSkoða/Opna