is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24946

Titill: 
  • Heilsuvenjur unglinga í 10. bekk á Íslandi árið 2014: Könnun á matarvenjum, hreyfingu og líkamsþyngdarstuðli
Námsstig: 
  • Bakkalár
Útdráttur: 
  • Hreyfingarleysi barna og unglinga á Íslandi er áhyggjuefni sem hugsanlega hefur áhrif á lýðheilsu þjóðarinnar í framtíðinni. Aukinni líkamsþyngd fylgir áhætta á aukinni tíðni sjúkdóma, líkt og áunninni sykursýki og hjartasjúkdómum. Helsta orsök þyngdaraukningar er talin vera ójafnvægi milli orkuinntöku og hreyfingar. Markmið þessarar rannsóknar var að kanna hver staða unglinga í 10. bekk á Íslandi er þegar kemur að hreyfingu, matarvenjum og líkamsþyngdarstuðli. Kynjamunur var skoðaður á fyrrgreindum atriðum og leitast var við að kanna hvort regluleg hreyfing hefur forspárgildi fyrir eða tengist heilsusamlegum matarvenjum og líkamsþyngdarstuðli þátttakenda. Notast var við fyrirliggjandi gögn úr íslenska hlutanum í alþjóðlegu rannsókninni Health Behaviours in School-Aged Children (HBSC), sem framkvæmd er á fjögurra ára fresti og styrkt af Alþjóðaheilbrigðismálastofnuninni (WHO). Þátttakendur voru nemendur í 10. bekk á Íslandi sem svöruðu HBSC könnuninni árið 2013/14. Spurningalistinn innihélt 112 spurningar er vörðuðu heilsu og lífskjör nemenda. Niðurstöður rannsóknarinnar leiddu í ljós að marktækur kynjamunur var á matarvenjum og líkamsþyngdarstuðli en ekki á hreyfingu, þar sem bæði kynin hreyfa sig álíka mikið. Matarvenjur stelpna voru heilsusamlegri, en strákar drukku frekar gosdrykki F(1, 3468) = 207,484, p = 0,000 en stelpur og þeir borðuðu meira af óhollustu og skyndibitum, F(1, 3459) = 80,440, p = 0,000. Strákar mældust með marktækt hærri líkamsþyngdarstuðul, F(1, 3278) = 5,396, p = 0,020 en stelpur. Niðurstöður sýndu fram á marktæk tengsl milli hreyfingar, bæði við líkamsþyngdarstuðul og matarvenjur. Aukin hreyfing hafði forspárgildi fyrir lækkun á líkamsþyngdarstuðli, r = -0,044 p = 0,000. Þeir sem hreyfðu sig minna mældust með betri eða heilsusamlegri matarvenjur, r = -0,114, p = 0,000.

  • Útdráttur er á ensku

    Lack of exercise among children and adolescents in Iceland is of great concern and its potential impact on the public health of the nation. Increased body weight is associated with increased risk of diseases like diabetes and heart disease. The main cause of weight gain is considered an imbalance between energy intake and exercise. The objective of this study is to examine the importance of exercise, healthy eating and physical condition of young people in 10th grade in Iceland. Gender differences relating to the above listed factors were examined and it was sought to determine whether regular exercise predicted or was connected to healthy eating and BMI of the participants. Data used was obtained from the Icelandic portion of the international study Health Behaviours in School-Aged Children (HBSC) which is conducted every four years and is supported by the World Health Organization (WHO).
    Participants were 10th grade students in Iceland who answered the HBSC survey in 2013/14: The questionnaire contained 112 questions on the health and living conditions of students. Exercise frequency of children outside school hours was measured along with eating habits in relation to the body mass index (BMI) in order to estimate their physical condition. The results indicate a noticeable gender difference in eating habits and BMI, but not in exercise, as both genders were similarly active. Girls report healthier eating habits, while boys drink more carbonated beverages F(1, 3468) = 207,484, p = 0,000 than girls and eat more junk food and fast food, F(1, 3459) = 80,440, p = 0,000 and have noticeably higher BMI F(1, 3278) =5,396, p = 0,020. A correlation was between exercise and both eating habits and BMI. Increased exercise predicted a decreased BMI r = -0,044 p = 0,000; and those that exercised
    most often showed poorer eating habits r = -0,119, p = 0,000, and healthier eating habits followed less exercise r = -0,114, p = 0,000.

Athugasemdir: 
  • Verkefnið er lokað til 20.9.2016.
Samþykkt: 
  • 6.6.2016
URI: 
  • http://hdl.handle.net/1946/24946


Skrár
Skráarnafn Stærð AðgangurLýsingSkráartegund 
Heilsuvenjur unglinga í 10. bekk á Íslandi árið 2014. Könnun á hreyfingu, matarvenjum og líkamsþyngdarstuðli..pdf424.26 kBOpinnHeildartextiPDFSkoða/Opna