Ferðafélagið Útivist. Uppgjör í Básum

Abstract

Verkefnastjórnun er aðferðafræði sem nýtur sífellt aukinna vinsælda og er í mikilli þróun. Höfundur hefur því áhuga á að vinna með þau fræði í þessu verkefni.Rannsóknarverkefnið fjallar um verkferla í verkefnastjórnun og leitast er við að skoða hvort megi bæta núverandi aðferð við uppgjör á sölu á gistingu og annarri þjónustu Ferðafélagsins Útivist í Básum í Þórsmörk með því að innleiða notkun slíkra verkferla. Verkefni þetta er unnið í samvinnu við stjórnendur og starfsmenn Ferðafélagsins Útivistar. Ferðafélagið Útivist er fjörutíu ára gamalt og var það stofnað af áhugafólki um útivist sem vildi gera öðrum það kleift að njóta íslenskrar náttúru. Þátttakendur í þessari rannsókn eru stjórnendur, starfsmenn og sjálfboðaliðar Útivistar. Í ritgerðinni er farið yfir sögu verkefnastjórnar, fjallað um fræðin á bakvið verkefnastjórnun og aðferðin við vinnu rannsóknarinnar er skýrð.Niðurstöður eru þær að til að bæta virði fyrir viðskiptavini og félagið sjálft þá mælir rannsakandi með því að verkferlar séu bættir og notað sé sölukerfi til að auka gæðiuppgjörs.