Fjárfestingar í hlutdeildarfélögum og reikningsskilareglur þeirra

Abstract

Fram kemur í alþjóðlegu reikningsskilastöðlunum að fjárfestingar í hlutdeildarfélögum skuli færðar samkvæmt hlutdeildaraðferðinni. Til þess að geta beitt hlutdeildaraðferðinni verða félög að uppfylla ákveðin atriði. Félag skal fara með milli 20 – 50% af atkvæðisrétti í hlutdeildarfélagi. Er 20% þó aðallega viðmiðun, því að félag þarf einnig að hafa veruleg áhrif í hlutdeildarfélaginu. Hægt er að hafa veruleg áhrif í félagi þó svo að þessum 20% sé ekki náð, en þá þarf félag að sýna fram á það. Til að fjárfestir geti talist hafa veruleg áhrif í félagi þarf fjárfestir að hafa mann í stjórn félagsins og það þurfa að vera veruleg viðskipti milli fjárfestis og hlutdeildarfélags. Skoðaðir voru árshlutareikningar hjá Exista og FL-Group, en bæði félögin eru fjárfestingarfélög með miklar fjárfestingareignir. FL-Group beitti gangvirðisaðferðinni á alla hluti sína en Exista beitti hlutdeildaraðferðinni á hluta af fjárfestingareignum sínum. Exista beitti hlutdeildaraðferðinni á hlut sinn í Kaupþing Banka, þar sem þeir fóru með yfir 20% af atkvæðisrétti og höfðu veruleg áhrif. Einnig beitti Exista hlutdeildaraðferðinni á hlut sinn í Sampo finnska tryggingafélaginu en þar fór eignarhlutur aldrei yfir 20%. Skoða þarf því hvort að sýnt hafi verið fram á veruleg áhrif eða ekki. Farið er yfir þær reglur sem ná yfir hlutdeildarfélög og fjárfestingar í þeim og rannsakað hvort Exista hefði átt að beita gangvirðisaðferðinni eins og FL-Group á alla hluti sína eða hvort þeir höfðu heimild til þess að nota hlutdeildaraðferðina eins og þeir gerðu samkvæmt alþjóðlegu reikningsskilastöðlunum.